Iraktaǵy qazaq balalary qashan elge qaıtarylady

NUR-SULTAN. QazAqparat – QR SІM resmı ókiliniń aıtýynsha, ondaǵy balalar osy aıdyń ishinde elge jetkiziledi, dep habarlaıdy QazAqparat tilshisi.

«Irakta júrgen kishkentaı qazaq balalaryn elge alyp kelemiz. Jaqyn arada bolýy kerek. Osy aıdyń ishinde... Naqty qashan ekenin aıta almaımyn. Balalardyń shesheleri sottalyp, túrmede otyr. Sondyqtan, balalary jat elde qalmasyn dep, osyndaǵy týǵan-týystary ótinish bildirdi. Sol balalardy alyp kelemiz. Árıne, buqaralyq aqparat quraldary ókilderin áýejaıdan kútip alýǵa shaqyramyz», - dedi Aıbek Smadııarov vedomstvoda ótken brıfıng barysynda.

Eske sala ketsek, elordada 9 qazanda ótken Eýropadaǵy qaýipsizdik jáne yntymaqtastyq uıymynyń (EQYU) Aýǵanstan boıynsha jıynynda QR Syrtqy ister mınıstri Muhtar Tileýberdi Qazaqstannyń Iraktan 14 balany qaıtarý baǵytynda jumys júrgizip jatqanyn habarlaǵan bolatyn.

«Olardyń analary sol jaqta ómir boıyna bas bostandyǵynan aıyrylǵan», - degen edi mınıstr.