Iraktaǵy birneshe lańkestik aktiler 100-ge tarta adamnyń ómirin qıdy
ASTANA. 22 qyrkúıek. QazAqparat - Irakta bolǵan birneshe jarylystan jáne sodyrlar shabýylynan 96 adam qazaǵa ushyrady, dep habarlady Associated Press.
Jankeshtilerdiń adamdar jerleý barysyndaǵy eki jarylysy saldarynan keminde 72 adam ajal qushqan jáne 120-dan astamy jaralanǵan, dep málim etti RBK.
Bul sońǵy aılardaǵy beıbit turǵyndarǵa qarsy baǵyttalǵan iri lańkestik akti. Jarylystar Baǵdadtyń soltústik-shyǵysyndaǵy Madınat es-Sadr shıit oramynda jerleý rásimi kezinde burq ete tústi.
Budan keıin eki saǵattan soń kórshiles Ýr aýdanynda bazar alańyndaǵy avtomobıl jarylyp, toǵyz adam mert boldy, 14-i jaralandy.
Budan basqa, sodyrlar Baǵdadtan soltústikke qaraı 250 shaqyrym jerdegi munaı óńdeý ortalyǵynda, Baıdjı qalasynda polıtsııanyń shatb-páterine shabýyl jasady. Kúzetshiler jankeshtilerdiń bireýin óltirdi, biraq ta qalǵan úsheýi jarylǵysh qurylǵyny iske qosyp úlgirdi, sonyń saldarynan jeti polıtseı mert boldy, 21 adam jaralandy.
Basqa eldi mekenderde de jasalǵan birneshe shabýyldan adamdar qurban bolǵan.
Iraktaǵy zombylyq 2008 jyldan beri órship barady. Birikken Ulttar Uıymynyń málimetteri boıynsha, 2013 jylǵy sáýir aıy bastalǵannnan beri elde 4 myń adam óltirilgen, sonyń 804-i - tamyz aıynda mert boldy.
