Iraktaǵy AQSh áskerı bazasyna jasalǵan shabýyldan 11 adam jaraqat aldy
NUR-SULTAN. QazAqparat - Irannyń Iraktaǵy amerıkalyq áskerı bazaǵa jasaǵan shabýylynan AQSh-tyń 11 áskerı qyzmetkeri jaraqat alǵan, dep habarlaıdy QazAqparat CNN-ge silteme jasap.
«Jaraqat alǵandar osy aptada Kýveıttegi jáne Germanııanyń Landshtýlyndaǵy aýrýhanalarǵa jetkizildi. Olar sol jerde em alady» dep jazady agenttik.
9 qańtar kúni Iran generaly Amır-Alı Hadjızade amerıkalyq bazalarǵa jasalǵan shabýyldan jaraqat alǵandar joq ekenin aıtqan bolatyn. Tegeran amerıkalyq áskerılerdi óltirýdi maqsat etpegenin málimdegen edi.
Esterińizge sala ketsek, Iran AQSh-tyń general Kasem Sýleımanıdi óltirgenine jaýap retinde 8 qańtar kúni Amerıkanyń áskerı bazasyna shabýyl jasaǵan bolatyn.
