Iraktaǵy Erbıl áýejaıy mańynda birneshe jarylys boldy
ASTANA. KAZINFORM — Amerıkalyq baza ornalasqan Erbıl halyqaralyq áýejaıynyń mańynda birinen soń biri birneshe jarylystar boldy. Bul týraly Anadolu agenttigi jazdy.
Erbıl halyqaralyq áýejaıynda kamıkadze drondarmen jasalǵan shabýyl tirkeldi. Áýe qorǵanys júıeleri iske qosylǵan aımaqta birinen soń biri jarylystar estildi.
Shabýylda qoldanylǵan drondar áýe qorǵanys quraldarymen beıtaraptandyrylǵan, eshbir tikeleı soqqy tirkelmegeni habarlandy.
Qazirgi ýaqytta oqıǵa boıynsha resmı málimdemeler joq.
Esterińizge sala keteıik, 21 naýryzda Irak sheteldik kompanııalar ıgerip otyrǵan barlyq munaı ken oryndarynda fors-major jarııalaǵan. Bul sheshim Ormýz buǵazy arqyly júrýdi shekteýge baılanysty áskerı operatsııalar saldarynan qabyldandy.
Al Donald Tramp Iran 48 saǵat ishinde Ormýz buǵazyn tolyq ashpasa, eldiń elektr stantsııalaryn «joıyp jiberetinin» málimdegen edi.
Artynsha Iran bıligi AQSh prezıdenti Donald Tramptyń ýltımatýmyna jaýap qatyp, Ormýz buǵazyn tolyqtaı jaýyp tastaýy múmkin ekenin jetkizdi.