Iraktaǵy daýyl: 3 700-den astam adam zardap shekti
ASTANA.KAZINFORM - Klımattyń ózgerýinen aımaqtaǵy qum daýylynyń qarqyny artyp keledi, dep habarlaıdy Kazinform menshikti tilshisi.
Joıqyn daýyl Iraktyń ortalyq jáne ońtústigine soǵyp, densaýlyqqa aıtarlyqtaı zııan keltirip, kólik qatynasyn buzdy.
Densaýlyq saqtaý mınıstrliginiń málimetinshe, 3700-den astam adam tynys alý joldarynyń asqynýynan medıtsınalyq kómekke júgingen, onyń 1800-den astamy aýrýhanaǵa jatqyzyldy. Mýtanna provıntsııasynda qumǵa tunshyqqan 700-ge jýyq adam tirkeldi.
Kórshiles Nadjaf provıntsııasynda 250-den astam adam aýrýhanaǵa jetkizilse, Dı-kar men Basrada zardap shekkender sany 500-den asty.
Jergilikti BAQ-tyń habarlaýynsha, qum qalalardy basyp, kórý múmkindigin bir shaqyrymǵa deıin azaıtty. Birqatar aýdanda elektr qýaty úzildi. Nadjaf pen Basradaǵy áýejaılar jumysyn ýaqytsha toqtatty.
Kóshelerde tótenshe jaǵdaı qyzmetkerleri men azamattar shańnan qorǵaný úshin betperde kııýge májbúr.
A heavy sandstorm has swept across southern Iraq, turning skies orange and sending hundreds of people to hospital with breathing issues pic.twitter.com/Cf79MrqDy6
— The National (@TheNationalNews) April 15, 2025
Sarapshylar klımattyń ózgerýine baılanysty elde daýyl jıiligi artyp kele jatqanyn aıtady.
Aldyńǵy 2022 jylǵy iri daýyl bir adamnyń ólimine ákep, 5000-nan astam adam aýrýhanaǵa jatqyzyldy. Eldiń qorshaǵan ortany qorǵaý mınıstrligi Irakta aýanyń qummen lastanýy áli birneshe kúnge sozylatynyn eskertti.
Osyǵan deıin Irak halqynyń sany 46 mıllıonǵa jetkenin habarlaǵanbyz.