Iraktaǵy áskerı baza shabýylǵa ushyrady
ASTANA. KAZINFORM — Iraktaǵy Djýrf as-Sahar aýdanynda ornalasqan «Hashd ash-Shaabı» (Halyqtyq mobılızatsııa kúshteri) quramyna kiretin Iran áskerı kúshteriniń bazasyna áýeden shabýyl jasaldy, dep jazdy agenttiktiń Ammandaǵy tilshisi.
Shabýyldyń maqsaty — «Hashd ash-Shaabı» quramyndaǵy yqpaldy toptardyń biri bolyp sanalatyn «Kataıb Hezbolla» tobynyń 47-shi brıgadasy boldy. AFP aqparat agenttiginiń málimeti boıynsha, baza oqqa ushyraǵan, sonyń saldarynan birneshe adam qaza taýyp, jaraqat alǵan.
«Hashd ash-Shaabı» ókili Reuters agenttigine bergen suhbatynda shabýyldan kem degende eki sarbaz qaza taýyp, taǵy úsheýi aýyr jaraqat alǵanyn habarlady. «Hezbollamen» baılanysy bar lıvandyq Al-Mayadeen telearnasy da eki qaza tapqan jáne birneshe jaraqat alǵan sarbazdar týraly habarlady.
NEW: Iraq's Joint Operations Command confirms several airstrikes targeted the Jurf al-Sakhar area in Babil province.
— Mintel World (@mintelworld) February 28, 2026
According to Kataib Hezbollah in a statement to AFP, the "aggression" resulted in at least two KH members killed and five others wounded. pic.twitter.com/QPBszecE7k
Iraktyń Shafaq News agenttiginiń málimeti boıynsha, shabýyl Vavılon provıntsııasynda ornalasqan «Hashd ash-Shaabı» kúshterine tıesili obektilerge jasalǵan. Iraktyń Birikken operatsııalar komandovanııasy eki adamnyń qaza taýyp, úsh adamnyń jaraqat alǵanyn rastap, avıaýdardyń qaınar kózin naqtylamady.
Bul ıntsıdent AQSh pen Izraıldiń Iranǵa qarsy birlesken áreketterinen keıin jáne Irannyń aımaqtaǵy obektilerine jasalǵan zymyran shabýyldary týraly málimdemelerinen keıin bolyp otyr.