Irakta jerleý rásimi kezindegi lańkestik áreketten 14 adam mert boldy
ASTANA. 15 qańtar. QazAqparat - Irakta jerleý rásimi barysyndaǵy lańkestik saldarynan keminde 14 adam qaza taýyp, taǵy 25-i jaraqattandy. Sheteldik BAQ aqparatyna qaraǵanda, bul jaıynda polıtsııa ókilderi habarlaǵan.
Lańkestik áreket Baǵdattyń soltústik-shyǵysynan 60 shaqyrym jerdegi Bakýba ólkesiniń Shatıb eldi mekeninde oryn alǵan. Polıtsııa málimetterine qaraǵanda, jerleý rásimine arnalǵan shatr ishinde 3 bomba jarylǵan.
