Irakta jarylystar saldarynan 100-ge jýyq adam qaza tapty

taǵy ondaǵan adam jaralady. Katardyń «Ál-Jázıra» telearnasynyń habarlaýynsha, dúısenbi kúni eldiń ońtústigindegi Basra qalasynda bazar mańynda mına qoıylǵan avtokólik jaryldy. «Ál-Irakııa» telearnasynyń málim etýinshe, birinshi jarylys bolǵan jerge jaqyn mańda taǵy bir avtokóliktiń kúli aspanǵa ushty.

Jeksenbi kúni kúndiz Irakta birneshe shabýyl jasalyp, olardyń saldarynan 100-ge jýyq adam qaza tapty. Eń úlken lańkestik áreket Baǵdadtyń ońtústigine qaraı ornalasqan Ál-Hılla qalasynda oryn aldy. Onda toqyma fabrıkasynyń janynda eki avtokólik jaryldy, odan keıin jankeshti óz denesine baılanǵan bombany iske qosty. Túrli málimetter boıynsha, osynaý shabýyldyń saldarynan 40-tan 55-ke deıin adam - kásiporyn jumysshylary opat boldy. Taǵy 200-den astam adam jaralandy.

Baǵdadtyń ońtústigine qaraı 50 shaqyrym jerdegi Ás-Sýáıra qalasynda bolǵan osyndaı taǵy bir shabýyldyń saldarynan 13 adam opat boldy. Al Baǵdadtyń ózinde tań eleń-alańda sodyrlar alty armııalyq jáne polıtseılik blok-beketterge shabýyl jasady. Sondaı-aq, Ál-Fallýdja, Mosýl, Ál-Iskanderıı jáne Át-Tarmıı qalalarynda bombalar jaryldy.

Irak ókimeti bul jarylystar úshin «Ál-Kaıeda» jasaqtary men Saddam Hýseınniń tusynda bılik júrgizgen, biraq qazir tyıym salynǵan «Baas» partııasynyń jaqtaýshylaryn kinálap otyr.