Irakta jarylys boldy, qurban bolǵandar bar
ASTANA. QazAqparat - Baǵdadtyń Sadrı-sıtı shıit aýdanynda shabýyl saldarynan keminde alty adam mert boldy, dep habarlady Bı-bı-sı.
Jarylys seısenbi kúni keshte boldy, 10-nan astam adam jaralandy. Budan buryn Baǵdadtan 60 shaqyrym jerdegi Bakýba turǵyndary qalaǵa «Irak jáne Levanta ıslam memleketi» tobynyń sodyrlary kirgenin habarlaǵan bolatyn.
Seısenbi kúni tańerteń Iraktan úkimettik áskerler eldiń soltústigindegi Tal-Afar qalasy mańynda sodyrlarmen urysqa kirgeni týraly habar keldi.
AQSh óziniń dıplomatııalyq korpýsyn ishinara kóshirgennen keıin Irakka 275 áskerılerin jiberdi.
Parsy shyǵanaǵyna amerıkandyq avıanosets jáne eki áskerı keme toptastyryldy. Alaıda, Aq úı ókilderiniń aıtýynsha, AQSh-tyń jerústi áskerleri Irakqa kirgizilmeıdi.
