Irakta zaýytqa sodyrlar shabýyl jasap, 14 adam qaza tapty
ASTANA. QazAqparat - Jeksenbi kúni Irak astanasy Baǵdadtyń soltústiginde ornalasqan At-Tadjı aýdanyndaǵy gaz óńdeý zaýytyna «Islam memleketi» sodyrlarynyń shabýyl jasaýy saldarynan 14 adam ajal qushty, solardyń ishinde 8 polıtseı bar.
Sky News Arabia telearnasynyń aqparatynsha, jankeshti beldigin taqqan lańkes bos gaz ballondary ornalasqan zaýyt ǵımaratyna kirgen. Nysannyń shamamen 20 kúzetshisi jarylys saldarynan jaraqattandy.
Baǵdad polıtsııasynyń ókili Saad Maan qaýipsizdik qyzmeti «lańkestik toptyń zaýytty basyp alýyna jol bermegenin» málimdedi, dep jazdy RIA Novostı.
"Lańkester zaýyt qaqpasynda mınalanǵan avtomobıldi jardy. Keıin jankeshtiniń beldigin taqqan aldy lańkes zaýyt aýmaǵyna kirdi. Saqshylar olardyń kózin joıdy. Jarylys saldarynan úsh qoımada órt shyqty", - dedi Maan. "Qazir qaýipsizdik qyzmeti zaýytty óz baqylaýyna aldy, azamattyq qorǵanys komandalary otty aýyzdyqtap jatyr", - dedi ol.
