Irakta ýnıversıtet ǵımaraty órtenip, 14 adam qaza tapty

Irak Kúrdistany jartylaı avtonomdy óńirindegi Erbıl provıntsııasyna qarasty Soran qalasynda ǵımarattan órt shyǵyp, 14 adam qaza tpty, 18 adam zardap shekti, dep habarlaıdy Kazinform Qytaıdyń Sınhýa agenttigine silteme jasap.

Soran qalasynyń Densaýlyq saqtaý departamentiniń málimdemesinde órttiń ýnıversıtet stýdentteri men muǵalimderi turyp jatqan úshinshi jáne tórtinshi qabattan shyqqany, odan ári besqabatty ǵımaratty túgel alyp ketkeni aıtylǵan.

Aldyn ala tergeý jumystary órttiń qysqa tuıyqtalý saldarynan shyqqanyn kórsetken. Órt azamattyq qorǵanys salasy qyzmetkerleri men órt sóndirýshilerdiń kómegimen sóndirilgen.