Irakta toı kezinde órt bolyp, 100 adam qaza tapty

Iraktyń soltústiktegi Naınava provıntsııasynda toı saltanaty kezinde órt bolyp, 100 adam qaza tapty, 150-den astam turǵyn zardap shekti. Zardap shekkender qatarynda kúıeý jigit pen qalyńdyq ta bar. Oqıǵany Al Arabiya basylymy baqylap otyr. QazAqparat bul týraly Life basylymyna silteme jasap habarlaıdy. 

Aldyn ala derek boıynsha, is-sharada atylǵan otshashý órt tutanýyna sebep bolǵan. Toı zalynyń qaýipsizdik tehnıkasy buzylǵan, tez janatyn panelden jasalǵan bolyp shyqty. Saldarynan tilsiz jaý tez jaıylyp ketip, ǵımarattyń keı bólikteri opyrylyp túsken.

Irak Densaýlyq saqtaý mınıstrligi Baǵdad pen basqa da provıntsııalardan zardap shekkenderge kómek kórsetý úshin qosymsha kúsh jiberdi. Jaralanǵan adamdardy tasýǵa kóptegen jedel járdem kóligi jumyldyryldy. Qyzyl jalynmen kúres jalǵasyp jatyr.