Irakta taǵy da jarylys boldy, 41 adam kóz jumyp, 38-i jaraqattandy
ASTANA. 14 maýsym. QazAqparat - Iraktyń Hıll qalasynda qatty jarylys boldy, dep habarlady RosBıznesKonsaltıng.
Lańkestik shabýyldyń nátıjesinde 12 maýsym kúni tańerteń 41 adam kóz jumyp, taǵy da jergilikti 38 turǵyn jaraqat aldy. Iraktyń polıtsııa ókilderine silteme jasaı otyryp Arabııalyq Al Jazeera telearnasy habarlaǵandaı, jarylǵysh zattar adam kóp júretin meıramhanynyń janynda turaqta turǵan kóliktiń ishinde bolǵan.
Quqyq qorǵaý organdary kem degende eki jarylǵysh zattyń iske qosylǵandyǵyn aıtyp otyr. Polıtsııanyń boljamyna qaraǵanda, bul Baǵdad qalasyna jol tartqan qajy-sheıittergebaǵyttalǵan lańkestik bolǵan.
Buǵan deıin Irakta oryn alǵan iri lańkestik oqıǵa 31 mamyrda bolǵan. Eldiń astanasy Baǵdadta 6 serııadan turǵan jarylys boldy. Lańkestik shabýyldyń nátıjesinde kem degende 16 adam baqılyq bolyp, 56 jergilikti turǵyn jaraqat alǵan.
3 kún buryn, 28 mamyrda Baǵdadta pákistandyq qajy-sheıitter mingen avtobýs jarylyp, 24 adam jaraqat aldy. Bılik ókilderiniń bergen málimetine qaraǵanda, 2012 jyldyń sáýir aıynda ǵana 126 adam lańkestik shabýyldyń qurbany boldy.
Aıta keteıik, 2012 jyldyń 19 sáýirinde birneshe jarylys oqıǵalary boldy. Sol kezde Iraktyń 12 qalasy, Baǵdad, Kırkýk, Samarra, Baakýbýa Dıbıs jáne Tadjı sııaqty shaharlar lańkesttik shabýylǵa tap boldy. Sonyń nátıjesinde tek Baǵdadta 30 beıbit turǵyn kóz jumdy.
