Irakta sodyrlar bir shıit otbasynyń 18 múshesin atyp tastady
ASTANA. Irakta belgisiz sodyrlar bir shıit otbasynyń 18 múshesin atyp tastady, dep habarlaıdy Euronews.
Jergilikti polıtsııanyń habarlaýyna qaraǵanda, qarýly sodyrlar Baǵdadtan ońtústikke qaraı 40 shaqyrym jerde ornalasqan Latıfııa qalasynda ornalasqan kórshi turǵan eki úıge basa-kóktep kirgen. Olar uıyqtap jatqan adamdardy atyp tastaǵan, sosyn ǵımaratty jaryp jibergen. Qaza tapqandar arasynda bes áıel jáne alty bala bar.
Budan buryn Baǵdadtyń shıitter turatyn oramynda mına qoıylǵan 11 avtokólik jarylyp ketken bolatyn. Shamamen 40 adam qaza tapqan, 100-ge jýyq adam jaraqattanǵan. Birikken Ulttar Uıymynyń málimetterine qaraǵanda, Irakta 2013 jyldyń tamyz aıynda bolǵan lańkestikte barlyǵy 800-den astam adam qurban bolǵan.
