Irakta shııt otbasynyń 16 múshesin atyp ketti
ASTANA. 5 qyrkúıek. QazAqparat - Baǵdattyń ońtústigindegi Latıfııa qalasynda qarýly shabýyl saldarynan 16 adam qaza tapty, onyń 5-eýi bala, 6-aýy áıel, dep habarlady Ýtro.rý sheteldik BAQ-qa silteme jasap.
Jýrnalısterdiń aqparatyna qaraǵanda, sodyrlar kórshi turatyn aǵaıyndy shııtterdiń otbasyna oq jaýdyryp, artynan olardyń úılerin jaryp jibergen.
Jalpy mundaı shabýyldardyń tasasynda «Ál-Kaıdamen» tyǵyz baılanystaǵy súnıt toptarynyń turatyndyǵy belgili. Iraktaǵy konfessııaaralyq osyndaı dúrdarazdyq sońǵy aılarda tipti ýshyǵyp tur. BUU málimetterine qaraǵanda, 2013 jyldyń qańtarynan bergi aralyqta osyndaı shabýyldan 5 myńnan astam qaza taýyp, 12 myńy túrli dene jaraqatyn alǵan.
