Irakta saýda ortalyǵynda bolǵan órtten 50 adam kóz jumdy

ASTANA. KAZINFORM – Iraktyń El-Kýt qalasynyń gýbernatory Djemıl Meııahı «Hypermarket» saýda ortalyǵyndaǵy órtten 50 adamnyń mert bolǵanyn habarlady, dep jazady Anadoly.

INA memlekettik aqparat agenttigine bergen suhbatynda gýbernator qaıǵyly oqıǵanyń 50 adamnyń ómirin qıǵanyn aıtqan.

Meııahı saýda ortalyǵynyń ıesine qatysty is sotta qaralatynyn jetkizdi. Órttiń shyǵý sebebi aldaǵy 48 saǵatta belgili bolady.

Sonymen qatar gýbernator úsh kúndik aza tutý kúnin jarııalady.

Osyǵan deıin Ońtústik Koreıada nóser jaýyn saldarynan eki adam qaza taýyp, myńǵa jýyq turǵyn kóshirilgeni týraly jazdyq.