Irakta Saddam Hýseınniń týysy «Hımııalyq Álı» ólim jazasyna kesildi

Bul týraly Iraktyń «Ál-Irakııa» telearnasy el úkimetiniń resmı ókili Álı ad-Dabbagqa silteme jasap habarlady.

Ad-Dabbagtyń málim etýinshe, burynǵy Irak basshysynyń týysynyń jazasy, barlyq qajetti amaldar aıaqtalǵannan keıin, jaqyn kúnderi oryndalady.

Ál-Májıd 1988 jyly kúrdterdiń Halabja qalasynyń turǵyndaryna qarsy jasaǵan qylmysy úshin sot úkimimen qańtardyń 17-sinde ólim jazasyna kesildi. Sol jyly Irak armııasy Halabja qalasynyń ústinen ýly gaz shashyp, oqıǵa saldarynan 5 myńǵa jýyq adam, negizinen áıelder men balalar qaza tapqan edi.

Bul - eks-prezıdenttiń jaqyn seriktesi bolǵan ál-Májıd úshin tórtinshi ólim jazasy. Buǵan deıin ol 1999 jyly Baǵdadta shıtterge qarsy jasalǵan qylmysy úshin ólim jazasyna kesilgen bolatyn. Oǵan qosa, ál-Májıd 1991 jyly shııtterdiń kóterilisin basqany úshin de ólim jazasyna kesildi. Kerbele, Án-Nadjaf jáne Iraktyń ońtústigindegi basqa da qalalardyń halqyna qarsy jasalǵan bul buqaralyq qýǵyn-súrginniń qurbandarynyń sany 100 myń adamǵa jetken.