Irakta parlamenttik saılaý ótti
ASTANA. Naýryzdyń 9-y. QazAqparat - Irakta naýryzdyń 7-si kúni bolǵan parlamenttik saılaýda saılaýshylardyń belsendigi 62,4 paıyzdy qurady. Osylaısha, saılaý ótti dep sanalady, dep málim etti eldiń táýelsiz Joǵarǵy saılaý komıssııasy.
Saılaý 10 myń saılaý okrýgine bólingen eldiń 18 provıntsııasynda ótti. Parlamenttegi 325 oryn úshin 86 saıası partııa men birlestiktiń 6 myńnan astam ókili talasty.
Aldyn-ala málimetter boıynsha, Baǵdadta jáne eldiń ońtústigindegi shııtter turatyn provıntsııasynda premer-mınıstr Nýrı ál-Malıkıdiń «Zań memleketi» blogy kósh bastap otyr. Al onyń negizgi qarsylasy «Ál-Irakııa» patrıottyq blogyna jetekishilik etýshi eks-premer Aııal Alaýı súnnıtter turatyn aýdandarda basym daýysqa ıe bolyp otyr. Saılaýdyń aldyn-ala qorytyndysy naýryzdyń 11-inde, al naqty qorytyndysy naýryzdyń 18-ine qaraı málim bolady dep kútilýde. Al daýys berýdiń resmı qorytyndysy aıdyń sońynda jarııa etilmek, dep habarlaıdy «Maıak» radıosy.
