Irakta meıramhanada bolǵan jarylystyń saldarynan 45 adam qaza boldy
ASTANA. Naýryzdyń 27-si. QazAqparat - Juma kúni keshke Iraktyń Halıs qalasynda eki lańkestik áreket oryn aldy,
dep habarlaıdy Reuters agenttigi.
Jarylystar kisi toly meıramhanada jáne qaladaǵy tanymal kofehananyń janynda bolǵan. Jergilikti quqyq qorǵaý organdary ókilderiniń jýrnalısterge habarlaýynsha, shabýyldardyń saldarynan 45 adam qaza bolǵan, taǵy 65 adam túrli jaraqat alǵan.
Iraktaǵy kezekti lańkestik áreket naýryzdyń 7-sinde ótken parlamenttik saılaýdyń nátıjesin naqty jarııalaýdyń aldynda oryn alyp otyr. Saılaýdyń aralyq qorytyndysy, el premer-mınıstri Nýrı ál-Málıkıdiń koalıtsııasy 18 provıntsııada jeńiske jeteýinde, sondaı-aq elordalyq okrýgte ozyp otyrǵanyn kórsetýde.
Ekstremıster belsendi áreket etip otyrǵan Anbar provıntsııasynda eldiń burynǵy premeri Aııad Alaýı basshylyq etetin «Ál-Irakııa» oppozıtsııalyq blogy jeńiske jetken.
