Irakta lańkestik saldarynan 60 adam qaza taýyp, 200 adam jaraqattandy
ASTANA. QazAqparat - Baǵdad qalasynyń mańynda mınalanǵan júk kóliginiń jarylýy saldarynan kem degende 60 adam qurban bolyp, taǵy 200-i jaraqat aldy.
Jarylys beısenbi kúni tańerteń Irak astanasynyń soltústik-shyǵysynyń Madınat-es-Sadr qalasynyń mańyndaǵy bazarlardyń birinde boldy.
Ázirge aımaqtaǵy birde-bir top jarylys úshin jaýapkershilikti moıynyna almady.
Irakta «Ál-Kaıdamen» baılanysy bar «Islam memleketi» (IM) radıkaldyq toby sodyrlarynyń iri kólemdegi shabýylynan turaqsyz jaǵdaı saqtalyp otyr.
IM Sırııa aýmaǵynda úkimettik kúshterge qarsy soǵys júrgizgende kóp kúsh jınap aldy. Sodyrlardyń is-áreketterinen birneshe myńdaǵan turǵyn qaza taýyp, júzdegen myń adam bosqynǵa aınaldy, taǵy birneshe myńdaǵan adam tutqyndaldy, - dep jazady RIA Novovstı.
