Irakta koronavırýstan kóz jumǵan alǵashqy adam tirkeldi
BAǴDAT. ANADOLÝ- QazAqparat – Irakta koronavırýstyń jańa túrinen (Sovid-19) alǵash adam kóz jumdy, dep habarlaıdy QazAqparat Anadolý agenttigine silteme jasap.
Iraktyń Densaýlyq saqtaý mınıstrligi Kýrd óńirlik ákimshiliginiń málimdeýinshe, 4 naýryzda Sýleımanııa provıntsııasynda 63 jastaǵy er adam koronavırýstan kóz jumǵan.
Jergilikti baspasózdiń aqparaty boıynsha, er adam ımam bolǵan, ol aýyryp, jaǵdaı kúrt nasharlaǵan soń sol kúni aýrýhanaǵa túsken. Er adamnyń júregi aýyrǵan, oǵan buryn úsh márte ota jasalǵan.
Sońǵy málimet boıynsha Irakta koronavırýs juqtyrýǵa qatysty 32 jaǵdaı tirkelgen.
Eske sala ketsek, koronavırýstyń jańa túri (Covid-19) 2019 jyly 12 jeltoqsanda Qytaıdyń Hýbeı provıntsııasyndaǵy Ýhan qalasynda tabyldy. Infektsııa tez arada basqa qalalarǵa jáne elderge tarap ketti.
Dúnıejúzilik densaýlyq saqtaý uıymy koronavırýstyń taralýyn halyqaralyq deńgeıdegi tótenshe jaǵdaı dep moıyndady. Vırýs adamnan adamǵa aýada taralyp, juǵady. Sımptomdary: Ystyq kóteriledi, tamaq aýyryp, jótel, demikpe paıda bolady, ish ótedi. Keıin pnevmonııa men baýyr jetispeýshiligine aınalyp, saldary ólimge soqtyrýy múmkin.
