Irakta qajylyqqa barǵan 600-den astam adam hlordyń aǵyp ketý saldarynan aýrýhanaǵa jatqyzyldy

ASTANA. KAZINFORM — Irakta 621 qajy tynys alýy buzylyp, aýrýhanaǵa jetkizildi, dep habarlaıdy Al Jazeera. 

Oqıǵa túnde eldiń ortalyǵynda jáne ońtústiginde ornalasqan Nadjaf pen Kerbela qalalary arasyndaǵy baǵyttyń boıynda bolǵan.

— Kerbelada hlordyń aǵýynan tunshyǵý jaǵdaıynyń 621 oqıǵasy tirkelgen. Olardyń barlyǵyna qajetti kómek kórsetilip, naýqastar aýrýhanadan jaqsy jaǵdaıda shyqqan, — dep habarlady Irak densaýlyq saqtaý mınıstrligi.

Qajylardy qorǵaýǵa jaýapty qaýipsizdik kúshteri oqıǵaǵa «Kerbala-Nadjef jolyndaǵy sý stansasynan hlordyń aǵýy» sebep bolǵanyn málimdedi.

Al Jazeera habarlaǵandaı, Iraktyń ınfraqurylymynyń kóp bóligi ondaǵan jylǵa sozylǵan soǵys, ishki qaqtyǵystar jáne sybaılas jemqorlyq saldarynan tozǵan, bul rette qaýipsizdik normalary kóbine saqtalmaı jatady.

Osy jyly qajylyqqa bara jatqan birneshe mıllıon adam ımam Hýseın men onyń aǵasy Abbastyń qasıetti jerleri ornalasqan Kerbalaǵa barady dep kútilip otyr. 
Eske sala ketsek, shildede Irakta saýda ortalyǵynda bolǵan órtten 50 adam kóz jumǵanyn jazǵan edik.