Irakta «Islam memleketiniń» basshylyǵyndaǵy «№2» adam óltirildi
ÁBÝ-DABI. QazAqparat - «Islam memleketi» kóshbasshylarynyń biri Hadjı Mýtazz juma kúni AQSh-tyń áskerı áýe kúshteriniń soqqysy kezinde óltirildi.
Fadhıl Ahmad Ál-Haıalı, sondaı-aq Hadjı Mýtazz esimimen belgili bolǵan sodyrlar basshysy Iraktyń Mosýla qalasynyń mańynda óz avtomobılimen júrip kele jatqan kezde óldi. Mýtazben birge taǵy bir joǵary ókiletti sodyr - Ábý Abdolla da mert boldy, delingen «Aq úıdiń» málimdemesinde.
«Ál-Haıalı «IM»-niń qarjy, medıa, logıstıka isterine jaýap bergen», - dedi AQSh prezıdenti ákimshiliginiń baspasóz hatshysy Ned Praıs.
Aq úı ókiliniń aıtýynsha, óltirilgen sodyr uıym ıerarhııasyn basqarǵan Ábý Ál-Baǵdadıdiń ólimimen keıin onda «№2» bolǵan. Irak jáne Sırııanyń arasynda qarý, jarylǵysh zattar, kólik quraldary jáne adamdar tasymalynyń basty úılestirýshisi qyzmetin atqarǵan.
