Irakta «Islam memleketi» sodyrlary 45 adamdy tirideı órtep jiberdi
ASTANA. QazAqparat - «Islam memleketi» sodyrlary Iraktyń batysyndaǵy Ál-Baǵdadı qalasynda 45 adamdy tirideı órtep jibergen. Bul týraly jergilikti polıtsııa basshysy Kasım Obeıdı habarlady, dep jazady Bı-Bı-Sı.
Ázirge bul adamdardyń kim ekendigi, ne úshin óltirilgendigi týraly esh málimet joq. Kasım Obeıdıdiń boljamynsha, bul adamdar Irak qaýipsizdik qyzmetiniń qyzmetkerleri bolýy múmkin.
Ótken aptada «Islam memleketi» lańkesteri «Aın ál-Asad» áýe bazasy jaqyn ornalasqan Ál-Baǵdadı qalasynyń bóligin basyp alǵan bolatyn. Polkovnık Obeıdı qaýipsizdik qyzmetiniń qyzmetkerleri men jergilikti bılik ókilderi turatyn ǵımarattarǵa shabýyl jasalǵandyǵyn aıtty. Sondaı-aq Kasım Obeıdı Irak úkimeti men halyqaralyq qoǵamdastyqty Ál-Baǵdadı qalasyna qol ushyn berýge shaqyrdy.
