Irakta «Islam memleketi» kóshbasshylarynyń biri óltirildi
ÁBÝ-DABI. QazAqparat - AQSh bastaǵan Halyqaralyq koalıtsııa Iraktaǵy Anbar provıntsııasynyń aýmaǵynda «Islam memleketi» uıymy kóshbasshylarynyń birin óltirdi.
AQSh Qorǵanys mınıstrliginiń resmı ókili Pıter Kýk 6 mamyr kúni zymyrannyń áýeden soqqy jasaýynyń nátıjesinde Rýtba qalasynyń mańynda «Islam memleketiniń» Anbar provıntsııasyndaǵy áskerı ámirshisi Ábý Vahıbtiń óltirilgenin málimdedi.
«Ál-Kaıdanyń» burynǵy múshesi Ábý Vahıbty Amerıkanyń Iraktaǵy kúshteri qamaýǵa alyp, ólim jazasyna kesken, biraq ol 2012 jyly qamaýdan qashyp shyqqan bolatyn.
Odan keıin onyń esimi Irak arqyly saıahattaǵan sırııalyq júk kólikteriniń júrgizýshilerin óltirýmen baılanystyryldy.
AQSh bastaǵan Halyqaralyq koalıtsııa «Islam memleketiniń» Iraktaǵy pozıtsııalaryn 2014 jyldan beri bombalap keledi.
