Irakta IM lańkestik áreketiniń salarynan 40-tan astam adam qaza tapty
ÁBÝ-DABI. QazAqparat - Dúıenbide Iraktyń Baǵdad jáne El-Mıkdadııa qalalarynda tórt bomba jarylyp, 41 adamnyń ómirin jalmady. Terrorlyq aktini «Islam memleketi» radıkaldyq-ekstremıstik uıymy moıyndaryna aldy.
Jankeshti lańkes Irak astanasynyń iri saýda ortalyǵynda óz-ózin jaryp jiberdi. Saldarynan 18 adam qaza taýyp, 40 adam jaraqat aldy. Keıinnen El-Mıkdadııa qalasynyń shyǵys bóliginde eki bomba jarylyp, 23 adam qaza taýyp, taǵy 51 adam jaraqat aldy. Jeti adamnyń ólimine sebep bolǵan Baǵdadtyń ońtústik-shyǵysynda taǵy bir jarylys oryn aldy.
Iraktyń soltústigi men batysyn baqylaıtyn IM El-Mıkdadııadaǵy, Baǵdad saýda ortalyǵyndaǵy lańkestik úshin jaýapkershilikti óz moıyndaryna aldy. Radıkaldar muny musylman sheıitterdi kemsitetin termındi paıdalanǵandarǵa baǵyttalǵanyn naqtylady.
