Irakta IM basshysynyń orynbasary óltirildi

«Irak ÁÁK joıǵysh ushaqtarynyń avıasoqqysy nátıjesinde Anbar batys provıntsııasyndaǵy Barvanı aýdanynda IM lańkestik tobynyń basshylyǵyndaǵy ekinshi adam - Assı Álı Naser ál-Obeıdı, Ábý-Bakr Ál-Baǵdadıdiń orynbasary óltirildi», - dep habarlady ırandyq PressTV telearnasy.

«Assı Ál-Obeıdı Kırkýk provıntsııasyndaǵy Havıdja qalasynda týǵan, ırak armııasynyń burynǵy polkovnıgi, qashyp júrgen jerinde tutqyndalyp, Baǵdad túbindegi Ábý-Greıb túrmesinde otyrǵan, 2013 jyly odan qashyp shyqqan. Keıinnen ol IM komandırleriniń biri boldy jáne Abý Omar ál-Obeıdı degen esimge ıe boldy, keıinnen Toptyń Áskerı keńesiniń shtabyn basqardy», dep óltirilgen lańkestiń ómirbaıandyq derekterin keltirgen telearna.

Budan bir kún buryn Irak Qorǵanys mınıstrligi Barvanı aýdanynda IM baspasóz hatshysy Abý Muhammed Ál-Adnanı joıylǵanyn habarlaǵan bolatyn. Alaıda top bul faktini joqqa shyǵaryp otyr, dep atap ótedi PressTV. Sońǵy aılarda lańkesterdiń basqa da kórnekti basshylary, mysalǵa Abý ál-Ofrı jáne barlaý bastyǵy Abý Hasan as-Sahabı joıyldy, dep eske salady TASS.