Irakta frantsýzdyq tilshi mınaǵa túsip mert boldy
ASTANA. QazAqparat - Iraktyń Mosýl qalasynda mınanyń jarylýynan Frantsııadan kelgen tilshiler zardap shegip, onyń bireýi qaza tapty, dep habarlaıdy Rosbalt.
Mert bolǵan frantsýz jýrnalısiniń esimi - Stefan Vılnev. Sondaı-aq, jarylys kezinde kúrd jýrnalısi Bahtııar Haddad qaza tapty. Taǵy eki frantsýz tilshisi jaraqat alǵan. Bul aqparatty zardap shekkenderdiń biri Samýel Fore óziniń Twitter-degi paraqshasynda rastady. Sondaı-aq, ol óziniń áriptesteri úshin jany kúızeletinin jetkizdi.
Le Mond-tyń deregi boıynsha, qazirgi tańda Fore Baǵdatqa evakýatsııalandy. Mosýlda jýrnalısterdi qala úshin kúresip jatqan Iraktyń arnaıy kúshter toby alyp júrgen. Mosýldy «Islam memleketi» uıymynyń sodyrlarynan azat etý urysy 2016 jyldyń kókteminde bastalǵan. Oǵan AQSh-tyń halyqaralyq avıatsııa koalıtsııasynyń basshylyǵymen Iraktyń áskeri qatysyp jatyr.
18 maýsym kúni áskerdiń Mosýldaǵy eski aýdandardyń birinde sodyrlardyń sońǵy anklavyna shabýyl jasaǵany belgili boldy.
