Irakta eki terakti saldarynan 34 adam ajal qushty
ASTANA. QazAqparat - Irakta eki lańkestik aktisi saldarynan 34 adam ajal qushty, dep habarlaıdy QazAqparat Lenta.rý-ǵa silteme jasap.
Jankesh-áıel Baǵdattan ońtústikke qaraı ornalasqan Masaıýb qalasynyń bazarynda qalyń halyq arasynda óz-ózin jaryp jiberdi. 31 adam ajal qushyp, taǵy 35-i aýrýhanalarǵa jetkizildi. Keıbir zardap shegýshiler aýyr halde jatyr. Medıtsına qyzmetkerleri terakti qurbandarynyń sany artýy múmkin dep qaýiptenedi. Polıtsııa málimetinshe, jankesh-áıel jarylǵysh zatty hıdjabynyń astynda jasyrǵan.
Shamamen osy ýaqytta Kerbela qalasyndaǵy avtobýs aıaldamasynda taǵy bir jarylys boldy. Úsh adam qaza bolyp, 15-i jaraqattandy.
Eki jarylys úshin jaýapkershilikti DAISh lańkestik toby (Qazaqstanda tyıym salynǵan) óz moınyna aldy.
