Irakta bolǵan jarylys saldarynan 80 adam kóz jumdy
ASTANA. QazAqparat - Irakta Oraza aıtyn toılaý rásiminiń sońynda jarylys bolyp, saldarynan 80 adam qaza tapty.
Bul týraly Reuters-ke silteme jasap Gazeta.Ru habarlady.
Bomba salynǵan kólik Baǵdadtan soltústik-shyǵysqa qaraı 30 shaqyrym qashyqtyqta ornalasqan Han Banı Saad qalasyndaǵy bazarda jaryldy.
Jarylys saldarynan 50-den asa adam jaraqat aldy. Habarlaǵandaı, qaza tapqandar men jaraqat alǵandar Oraza aıtyn toılap júrgen musylmandar.
Buǵan deıin 21 adam kóz jumdy dep habarlanǵan bolatyn.
