Irakta bolǵan lańkestik akt 50 adamnyń ómirin qıdy, 150-i jaraqattandy
ASTANA. 23 shilde. QazAqparat - Baǵdad jáne Iraktyń basqa qalalarynda bolǵan birneshe jarylystyń saldarynan 50 adam ajal qushyp, 150-i jaraqattandy, dep habarlady Reuters jergilikti quqyq qorǵaý organdary men dárigerlerge silteme jasaı otyryp.
Mahmýdııa qalasynda bolǵan jarylys kezinde kem degende 10 adam baqılyq boldy.
Taǵy bir lańkestik akti Madenniń bazarynda oryn aldy, sonyń saldarynan kem degende 5 adam kóz jumyp, 14-i jaraqat aldy.
Sońǵy jarylǵysh zat shıitter úshin kıeli sanalatyn Nadjaf qalasynda iske qosyldy. Lańkester bombany kóliktiń ishine salyp qoıǵan, bolǵan jarylysta 4 adam mert bolyp, 28-i jaraqattandy.
«Ál-Kaıeda»Lańkestik uıymy sottar men tergeýshilerdiń kózin joıý maqsatynda áli de birneshe jarylys uıymdastyrylatyny jaıly habarlady.
