Irakta birneshe jarylystan 38 adam qaza tapty
ASTANA. 15 qańtar. QazAqparat - Irakta birneshe jarylys saldarynan keminde 38 adam qaza taýyp, ondaǵan adam jaraqattandy, dep habarlady VVS.
Polıtsııa aqparatyna qaraǵanda, Baǵdattyń soltústik aýdanyndaǵy Shýl bazarynda mına qoıylǵan kólik jarylǵan. Taǵy bir mashınaǵa ornatylǵan jarylǵysh qurylǵy Irak astanasynyń ortalyǵy Karrada iske qosylǵan.
Aıta keteıik, buǵan deıin habarlaǵanymyzdaı, Baǵdattyń soltústik-shyǵysynan 60 shaqyrym jerdegi Bakýba ólkesiniń Shatıb eldi mekeninde jerleý rásimi barysyndaǵy lańkestik áreket saldarynan keminde 14 adam qaza taýyp, taǵy 25-i jaraqattanǵan edi. Polıtsııa málimetterine qaraǵanda, jerleý rásimine arnalǵan shatyr ishinde 3 bomba jarylǵan.
BUU málimetterine sáıkes 2013 jyl Irak úshin qan kóp tógilgen jyl bolyp otyr. Sońǵy 5 jyldyń ishinde túrli shabýyldardyń saldarynan 9 myńǵa jýyq adam qaza tapty.
