Irakta aýyz sýdan ýlanǵan adamdar sany 110 myńnan asty
ASTANA. QazAqparat - Iraktyń Basra provıntsııasynda sapasyz aýyzsýdan ýlanǵandar sany 111 myńǵa jetti. Bul týraly dúısenbide BUU adam quqyqtary jónindegi Joǵarǵy komıssary keńsesiniń basshysy málimdedi, dep habarlaıdy TASS Al Baghdadia portalyna silteme jasap.
Ýlanǵandar arasynda Eýropa odaǵynyń Iraktaǵy elshisi Ramon Blekýla da bar. Buǵan deıin zardap shekkender sany 95 myń aınalasynda degen habar taraǵan bolatyn.
Tamyz aıynyń basynda Irak ońtústiginde ornalasqan, halqy tyǵyz ornalasqan iri qalalarynyń biri - Basrada aýyzsý tapshylyǵy, elektr qýatyn taratýda aqaýlar baıqalǵan. Munyń arty el ońtústigindegi turǵyndardyń jappaı narazylyǵyna ákep soqtyrǵan.
Osyǵan baılanysty shuǵyl shaqyrylǵan parlament otyrysynan esh nátıje bolmaǵan. Artynsha premer-mınıstr Heıdar al-Abadı parlament ókilderin el ońtústigindegi jaǵdaıdy saıası maqsattaryna paıdalandy dep aıyptady.
