Irakta 40 keli ýran urlandy
ASTANA. QazAqparat - Irak bıligi BUU-ǵa «Islam memleketi» tobynyń sodyrlary eldiń soltústigindegi zerthanadan ýran urlaǵandyqtaryn málim etip, onyń qoldanylý qaýpiniń aldyn alýǵa shaqyrdy, dep habarlady sheteldik BAQ.
Iraktyń BUU janyndaǵy elshisi Mohammed Álı ál-Hakımniń Pan Gı Mýnǵa jazǵan hatynda Mosýl qalasyndaǵy ýnıversıtet aýmaǵynda saqtalǵan shamamen 40 keli ýran qospasynyń ekstremısterdiń qolyna túskendigi aıtylǵan. «Lańkestik top bılik baqylaýynan shyǵyp ketken nysannan ıadrolyq materıaldardy basyp aldy», - delingen ál-Hakım hatynda.
Dıplomattyń atap ótýinshe, mundaı materıal jappaı qyryp-joıatyn qarýdy jasaý barysynda kádege jaraýy múmkin. Sonymen qatar ol urlanǵan ıadrolyq zattyń el aýmaǵynan tysqary shyǵarylý qaýpi bar ekendigin de atap ótken.
Al AQSh bıligine qatysy bar derekózdiń sózine qaraǵanda, sodyrlar urlap ketken ýran baıytylmaǵan. Sol sebepti ol ıadrolyq qarý jasaýǵa jaramsyz.
