Irakta 11 mınıstrlik qysqartyldy
ASTANA. QazAqparat - Iraktyń premer-mınıstri Heıdar al-Abadı iri memlekettik laýazymdardy qysqartý jáne birshama mınıstrlikterdi biriktirý týraly jarlyq shyǵardy. Bul týraly Mınıstrler keńesi (Úkimet) tóraǵasynyń baspasóz qyzmetine siltememen sheteldik BAQ habarlady.
«Jalpyulttyq múddege saı, Irak konstıtýtsııasynyń 78-babyna sáıkes jáne eldiń Ókilder keńesiniń (parlament) qoldaýymen eldegi mınıstrlikter sanyn 33-ten 22-ge qysqartý týraly sheshim qabyldandy», - delingen habarlamada.
Osylaısha ál-Abadı bir apta buryn ózi usynǵan jáne ony úkimet pen parlament qoldaǵan reformalar tobynyń bir bóligin júzege asyrýdy bastady. Onyń ishindegi eń mańyzdylary vıtse-prezıdent jáne premer-mınıstr orynbasarlary laýazymdaryn joıý bolyp tabylady.
