Iraklıı Kobahıdze Grýzııanyń premer-mınıstri laýazymyna kandıdat retinde usynyldy

ASTANA. KAZINFORM – Iraklıı Kobahıdzeni premer-mınıstr laýazymyna qaıta taǵaıyndaýdy Grýzııadaǵy qazirgi bıliktegi partııa «Grýzın armany – Demokratııalyq Grýzııa» negizin qalaýshy Bıdzına Ivanıshvılı usyndy, dep habarlaıdy Kazinform agenttiginiń tilshisi.

— Partııa Jarǵysyna sáıkes, qurmetti tóraǵanyń premer-mınıstrlikke kandıdat usynýǵa quqyqtary men ókilettikteri bar. Sondyqtan Bıdzına Ivanıshvılı Iraklıı Kobahıdzeniń kandıdatýrasyn premer-mınıstr laýazymyna usynǵany eshqandaı tosyn jaǵdaı bolmaıdy. Árıne, bul usynys saıası keńes tarapynan tolyqtaı qoldaýǵa ıe boldy, — dedi «Grýzın armany – Demokratııalyq Grýzııa»partııasynyń atqarýshy hatshysy Mamýka Mdınaradze partııanyń saıası keńesiniń otyrysynan keıin.

Onyń aıtýynsha, parlament tóraǵasy qyzmetine zań shyǵarýshy organnyń qazirgi basshysy Shalva Papýashvılıdiń kandıdatýrasy usynylady.

Sonymen qatar jańa shaqyrylymdaǵy parlamenttiń alǵashqy otyrysy 25 qarashada ótedi. Parlament óz quqyǵy men ókilettigine kiriskennen keıin, qazirgi úkimet premer-mınıstr basshylyǵymen avtomatty túrde otstavkaǵa ketedi. Mınıstrler men premer-mınıstr jańa úkimet taǵaıyndalǵanǵa deıin óz mindetin atqara beredi.

Osyǵan deıin Grýzııadaǵy oppozıtsııa saılaýdy qaıta ótkizýdi talap etip, halyq kóshege shyqqany týraly jazǵan edik.