Iraklıı Garıbashvılıden tárkilengen 6,5 mln dollar memlekettik bıýdjetke aýdaryldy

ASTANA. KAZINFORM — Grýzııanyń burynǵy premer-mınıstri Iraklıı Garıbashvılıdiń úıinen anyqtalǵan shamamen 6,5 mln dollar tárkilenip, qazirdiń ózinde memlekettik bıýdjetke aýdaryldy, dep habarlaıdy Birinshi qoǵamdyq telearna. 

Onyń advokaty Mıhaıl Shakýlashıdiń aıtýynsha, bul prokýratýramen kináni moıyndaý týraly jasalǵan kelisimniń bóligi boldy. 

Shakýlashıdiń atap ótýinshe, prokýratýra qorǵaýshy taraptyń usynǵan dálelderin ishinara qabyldaǵanyn, nátıjesinde aıyptaýlar ózgertilgen. Sharap zaýytynyń jumysyna qatysty oqıǵa isten alynyp tastaldy. Qazirgi ýaqytta is tek sharap bıznesinen túsken maǵlumdanbaǵan kiristerge qatysty jáne qarjylyq qylmys retinde jikteledi.

Advokat óziniń qorǵaýyndaǵy adam basqa eshkimge qarsy kýálik bermegenin jáne keshirim suraýdy josparlamaıtynyn atap ótti. 

Garıbashvılıge Grýzııa Qylmystyq kodeksiniń 194-babynyń úshinshi bóliginiń «v» tarmaqshasy boıynsha aıyp taǵylyp otyr. Advokattyń aıtýynsha, bul qylmys qarjylyq qylmystar sanatyna jatady jáne qyzmettik nemese memlekettik qyzmetti teris paıdalanýmen baılanysty emes.

Eske salsaq, burynǵy premer-mınıstr bes jylǵa bas bostandyǵynan aıyryldy, oǵan 1 mln ları aıyppul salyndy jáne kólikterin qosa alǵanda múlkiniń bir bóliginen aıyryldy.