Irak jasaǵy Mosýl áýejaıyn sodyrlardan azat etti
ASTANA. QazAqparat - Irak jasaǵy Mosýl qalasy áýejaıynyń barlyq aýmaǵyna baqylaý ornatty. Ol «Islam memleketi» ekstremıstik tobynyń jıhadshylary batys bóligin jaýlap alǵan qalany baqylaýdaǵy eń mańyzdy strategııalyq nysandardyń biri edi.
Mosýl áýejaıynda jáne jaqyn mańdaǵy ál-Gazlanı áskerı bazasyna ırak jasaǵynyń shabýyl jasaǵany beısenbi kúni tańerteń belgili boldy. Operatsııa AQSh basshylyq etetin halyqaralyq koalıtsııanyń qoldaýymen júrgizilgen.
Bı-bı-sı tilshisi Kventın Sommervılldiń habarlaýynsha, sodyrlar áýejaıdyń ushý-qoný jolaǵyn tolyǵymen joıyp jibergen, alaıda áýejaı aýmaǵyn baqylaýǵa alý úkimettik kúshterge sodyrlarǵa ońtústikten keletin qosymsha kúshtiń jolyn kesýge múmkindik beredi.
