Irak jaǵalaýynda ırandyq júk kemesi sýǵa batyp ketti
TEGERAN. IRNA-QazAqparat – Irandyq júk kemesi Irakqa tıesili aımaqta sýǵa batyp ketti. Bortta jeti ekıpaj múshesi bolǵan, dep habarlaıdy QazAqparat IRNA agenttigine silteme jasap.
Oqıǵa seısenbi kúni boldy. Irannan Iraktyń Ýmm-Kasr portyna baǵyt alǵan keme qurylys materıaldary men keramıkany alyp bara jatqan. Keleńsiz jaǵdaıdyń sebepteri anyqtaý jumystary qolǵa alyndy. Agenttiktiń habarlaýynsha, Tegeran tergeýge Iran sarapshylaryn qatystyrý jaıly Baǵdatpen keńesip jatyr.
Agenttik ekıpaj músheleriniń arasynda qaza tapqandar men zardap shekkenderdiń bar-joǵy týraly málimet joq.
Al Arabiya telearnasy Irak teńizshileri tórt ırandyqty qutqaryp qalǵanyn habarlady. Basqa teńizshilerdi izdestirý jalǵasyp jatyr.
