Irak úkimeti aptap ystyqqa baılanysty tórt kúndik demalys jarııalady
ASTANA. QazAqparat - Irak úkimeti elde rekordtyq 50 gradýs aptap ystyqtyń ornaýyna baılanysty resmı túrde tórt kúndik demalys jarııalady.
Bul týraly jergilikti BAQ kózderine silteme jasaǵan Assoshıeıted Press agenttigi habarlaıdy.
Demalys beısenbi kúni bastalady. Bul eldiń bılik kózderiniń bir aıdyń ishinde joǵary aýa temperatýrasy saldarynan jarııalap otyrǵan ekinshi jaǵdaı. Buǵan deıin jurt 16 shilde kúni jumystan bosatyldy: sol kúni bankter men quqyq qorǵaý organdarynan basqa barlyq memlekettik mekemeler úshin demalys jarııalanǵan.
Aptap ystyq Irak úshin qalypty jaǵdaı bolyp tabylady, bul rette elektr jaryǵy men sýdyń jıi óshirilýi jergilikti turǵyndardyń tirshiligin qıyndatyp, túrli mekemelerdiń qyzmetine keri áserin tıgizip otyrady.
