Irak turǵyny AQSh-ta lotereıadan $6,4 mln utyp aldy
ASTANA. QazAqparat - Oregon shtatynda oınatylatyn «Megabaks» lotereıasynan $6,4 mln utqan er adam ózin jeńimpaz retinde jarııalaý úshin úsh aıdan astam ýaqyt kútken.
Bulaı saqtanýynyń sebebi de túsinikti - ol Irakta turady.
Lotereıa uıymdastyrýshylardyń ókili Chak Baýmanǵa silteme jasap The Washington Post habarlaǵandaı, er adam 1 jeltoqsanda ǵana habarlasqan. Ol utysyn 25 jyl ishinde bólip alýdy sheshken. Oǵan jyl saıyn 256 myń dollar tólenip otyrady. Salyq ta osy somadan eseptelmek.
Jeńimpaz 24 tamyzda lotereıa oıynyna qatysý úshin bıletti onlaın-agent arqyly satyp alǵan.
