Irak: Tıkrıttegi qyrǵyn úshin 40 adam ólim jazasyna kesildi
ASTANA. QazAqparat - Irakta sot 2014 jyly maýsymda Tıkrıt mańyndaǵy Kemp Spıcher burynǵy amerıkandyq bazasyna shaqyrtylǵan júzdegen sarbazdyń ólimi úshin 40 adamdy ólim jazasyna kesti.
Sol kezde 1700-ge jýyq ırak áskerıi qaza tapty.
«Islam memleketiniń» sodyrlary ırak armııasyn qyrý barysynda túsirilgen sýretter men beınejazbalardy ǵalamtorǵa ornalastyrǵan. Aman qalǵandar sodyrlar qaza tapqandardy tergep, qaısysy ıslamnyń shıit tarmaǵyn ustanatynyn anyqtamaq bolǵanyn aıtyp bergen.
Irak kúsh qurylymdary aýdandy ıslamısterden tartyp alǵan soń, kóp adam jerlengen qabirdi tapty, dep habarlady Bı-Bı-Sı.
Baǵdadtaǵy Ortalyq qylmystyq sot 40 adamdy aıypty dep tanyp, taǵy jeteýinen aıyptar alyndy. Sot otyrysynda 24 sottalýshy ótken jylǵy sot úkimine shaǵym jasady.
