Irak taıaý ýaqytta «Islam memleketine» qarsy iri qurlyqtyq operatsııa ótkizbek
ÁBÝ-DABI. QazAqparat - Irak áskeri taıaý ýaqytta «ıslamshylar» basyp alǵan jerlerin baqylaýdy qalpyna keltirý maqsatynda «Islam memleketi» radıkaldy uıymyna qarsy iri qurlyqtyq operatsııa bastaýdy josparlaýda, dep habarlady «Ál Arabııa» telearnasy.
Arab telearnasy «Islam memleketine» qarsy halyqaralyq koalıtsııanyń AQSh-tyq úılestirýshisi Djon Allenniń málimdemesin keltiredi. «Taıaý ýaqytta Irak áskeriniń iri shabýyly josparlanýda», - dedi joǵary qyzmettegi amerıkalyq ókil.
Bul rette Dj. Allen qurlyqtyq naýqan halyqaralyq koalıtsııanyń qýatty shabýylyna ulasatynyn aıtty. Sondaı-aq, amerıkalyq dıplomat amerıkalyq qarýdy jetkizýde jáne maıdan jelisinde ırak áskerin oqytý barysynda kidiris oryn alǵany jónindegi aıypty joqqa shyǵardy.
«Qurama Shtattar áriptesterine jyldam qoldaý kórsetý úshin qoldarynan kelgenin jasaýda», - dep málimdedi Dj. Allen.
AQSh Irak pen Sırııa aýmaǵynyń bóligin basyp alǵan IM sodyrlaryna qarsy áskerı-áýe operatsııasyn basqarady. AQSh memlekettik hatshysy Dj. Kerrı jýyrda ótken Mıýnhen qaýipsizdik konferentsııasynda sóılegen sózinde koalıtsııa 2014 jylǵy tamyzdan bastap «Islam memleketi» nysandaryna 2000-nan astam áýe soqqysyn jasaǵanyn atap ótti. Aldyn ala derekter boıynsha, áýe soqqysy saldarynan sodyrlar 200-ge tarta munaı, gaz nysandarynan aıyrylǵan.
