Irak soty Saddam Hýseınniń 16 úzeńgilesin bostandyqqa shyǵarady
ASTANA. 20 sáýir. QazAqparat - Iraktyń Joǵarǵy qylmystyq soty Saddam Hýseın bılik qurǵan kezde quziretti memlekettik laýazymdardyń tizginin ustaǵan 16 adamdy bostandyqqa jiberý jóninde sheshim qabyldady.
Bul týraly Irak Ádilet mınıstrliginiń ókili Haıder as-Saadı málim etti.
ITAR-TASS agenttiginiń málimitterine súıensek, bostandyqqa shyǵarý birneshe kezeńderden turady. Bastapqy kezeńde túrmeden burynǵy Saýda mınıstri Muhammed Mahdı Saleh, burynǵy Aqparat jáne mádenıet mınıstri Hamed ıÝsef Hamadı jáne Áskerı ónerkásip salasynyń sarapshysy Mahmud Faradj as-Samarraı shyǵarylady.
Ekinshi kezekte - Kerbeladaǵy taratylǵan Baas partııasynyń burynǵy hatshysy, Kerbelanyń eks-gýbernatory men arnaıy qyzmettiń burynǵy eki qyzmetkeri bostandyqqa shyǵady. Taqtan taıdyrylǵan dıktatordyń rejımine qyzmet etken taǵy da toǵyz adam odan góri keshirek shyǵarylatyn bolady. Bostandyqqa jiberilgenderdiń barlyǵy da toǵyz jyldan astam ýaqyt boıy túrmede jazasyn ótedi.
