Irak premer-mınıstri úıiniń tóbesinen jarylmaǵan snarıad tabyldy
KAIR. QazAqparat - Jeksenbi kúni Irak premer-mınıstri Mustafa ál-Kazımıdiń Baǵdad ortalyǵyndaǵy nyǵaıtylǵan jasyl aımaqtaǵy rezıdentsııasynyń shatyrynan jarylmaǵan snarıad tabyldy, dep habarlaıdy QazAqparat Sky News Arabia telearnasyna silteme jasap.
Qazirgi ýaqytta saperler ony zalalsyzdandyrýǵa tyrysýda.
Ótken túnde Baǵdadta úkimet basshysynyń ómirine jarylǵysh zaty bar dron shabýyldaǵan. Shabýyl saldarynan ál-Kazımı zardap shekken joq, premer-mınıstrdiń qaýipsizdik qyzmetiniń birneshe qyzmetkeri jaraqat aldy. Turǵyn úı eleýli materıaldyq shyǵynǵa ushyrady - ǵımarattyń terezeleri synǵan, esikter ushyp ketken, qurylymdar búlingen. Osydan keıin «jasyl aımaqqa» barlyq kireberisterde qaýipsizdik sharalary aıtarlyqtaı kúsheıtildi.
Iraktyń INA agenttiginiń eldiń ishki ister mınıstrligine silteme jasap habarlaýynsha, úsh dron shabýyldaǵan, olardyń ekeýi atyp túsirilgen, al úshinshisi rezıdentsııaǵa tıgen. Sonymen qatar, shabýyl aldynda astananyń ortalyǵynda qyzý atys bolǵan.
Kóptegen arab jáne álem kóshbasshylary Irak premer-mınıstrine qastandyq jasaý áreketin aıyptady.
