Irak premer-mınıstri AQSh áskerleriniń elden shyqqan kúnin ulttyq mereke dep jarııalady
ASTANA. 1 qańtar. QazAqparat - Irak premer-mınıstri Nýrı ál-Malıkı 2011 jylǵy 31 jeltosandy Irakta ulttyq mereke dep jarııalady Bul týraly Associated Press agenttigi habarlady.
«Bul Irak jáne barlyq ıraktyqtar kúni», - dep habarlady N. ál-Malıkı Baǵdadta sport kesheninde ótken saltanatta. - «Bul kúni bizdiń elimizde jańa tań atty jáne elimiz bostandyq aldy».
2011 jylǵy 31 jeltoqsanda AQSh áskerleriniń Irak aýmaǵynda bolý merzimin belgilegen 2008 jylǵy kelisimniń kúshi aıaqtaldy. Sońǵy amerıkandyq soldat Iraktan ótken jylǵy 18 jeltoqsanda ketti.
«Bul bir partııanyń ǵana emes, búkil ırak halqynyń jeńisi», dedi premer-mınıstr.
AQSh áskerleri Irakqa 2003 jyly 20 naýryzda «Irak bostandyǵy» operatsııasy aýqymynda kirdi jáne el aýmaǵynda 8 jyl boldy. Osy kezeńde Irakta 4,5 myń ameıkandyq áskerıler jáne 100 myńǵa jýyq jergilikti turǵyndar qaza boldy.
