Irak pen Sırııadaǵy qazaqstandyq jáne reseılik balalar Groznyıǵa jetkizildi
ASTANA. QazAqparat - Irak pen Sırııaǵa buryn ketken segiz bala men tórt áıel Reseıge qaıtyp oraldy. Reseılik jáne qazaqstandyq azamattardy ákelgen ushaq juma kúni Groznyıǵa qondy, dep habarlaıdy reseılik TASS agenttigi.
«Bortta 12 adam boldy. Olardyń arasynda orystar, tatarlar, bashqurttar, sheshender jáne qazaqtar bar», - dedi Taıaý Shyǵys pen Soltústik Afrıkadaǵy Sheshenstan basshysynyń ókili Zııad Sabsabı.
Sondaı-aq, ol úsh uly bar sheshen azamatshasy, Tver turǵyny ulymen jáne túmendik jas áıel ulymen kelgenin málimdedi. Bortta Qazaqstan azamatshasy úsh ulymen bolǵan. Rseeılik azamattardyń otanyna qaıtý shyǵyndaryn Ahmat-Hadjı Qadyrov atyndaǵy óńirlik qoǵamdyq qory óz moınyna alǵan.
