Irak pen Sırııa 13 jylǵa jýyq jabyq bolǵan mańyzdy qurlyqtyq baǵytty qaıta ashty
ASTANA. KAZINFORM — Irak pen Sırııa shekaradaǵy Rabıa ótkizý beketin qaıta ashyp, 13 jylǵa jýyq ýaqyt jabyq turǵan mańyzdy qurlyqtyq baǵytty qalpyna keltirdi, dep habarlaıdy Sınhýa.
Sırııa aýmaǵynda El-ıArýbııa dep atalatyn baqylaý-ótkizý pýnkti El-Hasaka provıntsııasynda ótken saltanatty rásimnen keıin jumysyn qaıta bastady. Іs-sharaǵa eki eldiń resmı ókilderi qatysty.
Sırııanyń keden basqarmasy bul beket arqyly tranzıt, saýda, ımport-eksport jáne jolaýshylar tasymaly júzege asyrylatynyn málimdedi.
Eki tarap ókilderi shekaralyq rásimderdi jeńildetý, úılestirýdi jaqsartý jáne ekijaqty saýdany keńeıtý máselelerin talqylaǵanyn jetkizdi.
Iraktyń soltústigindegi Naınava provıntsııasynda, Mosýl qalasyna jaqyn ornalasqan Rabıa ótkizý beketi Sırııadaǵy azamattyq soǵystyń ýshyǵýyna baılanysty shamamen 2013 jyly jabylǵan bolatyn.
Buǵan deıin Iraktyń Ormýz buǵazyn aınalyp ótip, Sırııa arqyly munaı eksporttaı bastaǵany habarlanǵan edi.
