Irak meshitinde bolǵan jarylys saldarynan 40-tan astam adam ajal qushty
ASTANA. 24 qańtar. QazAqparat - Keshe Iraktyń soltústik-shyǵysynda ornalasqan Týz-Hýrmatlı qalasynda jankeshti-lańkes adamdar namyz oqyp jatqan kezde shııt meshitiniń ortasynda ózin-ózi jaryp jiberdi, dep habarlady Agence France-Presse. Sońǵy málimetterge qaraǵanda, joıqyn jarylys 42 adamnyń ómirin jalmady, kem degende 75 turǵyn jaraqattar aldy.
Zardap shekkenderdiń arasynda jergilikti sheneýnikter men taıpalardyń basshylary bar. Bılik ókilderiniń málimetterine qaraǵanda, sol kúni adamdar meshitke sodyrlar óltirgen jergilikti saıasatkerdiń týysyn eske alý úshin jınalǵan.
Ázirge eshbir top lańkestikti moınyna alǵan joq. Polıtsııa jarylysty uıymdastyrýda sýnnıt sodyrlaryn kúdikti retinde qarastyrýda.
