Irak Kırkýk-Djeıhan qubyr jelisi arqyly Túrkııaǵa munaı eksportyn qaıta bastady
ASTANA. KAZINFORM – Irak Kúrdistannyń tabıǵı resýrstar mınıstrligi eki jylǵa jýyq úzilisten keıin strategııalyq mańyzdy Kırkýk-Djeıhan qubyry arqyly Túrkııaǵa munaı eksportyn resmı túrde qalpyna keltirdi, dep habarlaıdy Kazinform tilshisi.
Jetkizýdi qalpyna keltirý týraly kelisimge taraptar arasyndaǵy uzaq jáne qarqyndy kelissózder nátıjesinde qol jetkizildi. Munaı eksporty 27 qyrkúıek kúni tańerteń Astana ýaqytymen tańǵy saǵat 6:00-de bastaldy. Málimdemede atap ótilgendeı, qajetti tehnıkalyq daıyndyqtar aldyn ala júrgizildi.
– Eksportty qalpyna keltirýge daıynbyz. Zahonyń batysyndaǵy №46 eksporttyq jelidegi eseptegish iske qosyldy. Bizdiń mamandar Túrkııaǵa aıdalatyn munaı kólemin baqylaý úshin sol jerde júr, - dep túsindirdi Irak memlekettik munaı kompanııasy North Oil Company.
Kompanııa qubyrdy tolyǵymen toltyrý úshin bir-eki kún qajet ekenin atap ótti. Bul – qysymdy teńestirý jáne búkil qubyrdyń tehnıkalyq turaqtylyǵyn tekserý úshin qajet standartty protsedýra. Túrik tarapy da óz tarapynan jetkizilimderdiń qaıta jandanǵanyn rastady.
6 Şubat 2023’te yaşanan depremler nedeniyle geçici süreyle kapalı kalan ve 4 Ekim 2023 tarihinde BOTAŞ tarafından operasyona hazır hale getirilen Irak – Türkiye Ham Petrol Boru Hattı’ndan bu sabah saat 07.07 itibariyle petrol akışı yeniden başlamıştır.
— Alparslan Bayraktar (@aBayraktar1) September 27, 2025
Esterińizge sala keteıik, Kırkýk-Djeıhan baǵyty boıynsha munaı jetkizý 2023 jyly Irak federaldy úkimeti men Iraktyń Kúrdistan aımaǵy úkimeti arasyndaǵy saıası jáne quqyqtyq kelispeýshilikterge baılanysty toqtatyldy. Eki tarap tabıǵı resýrstardy eksporttaý boıynsha ókilettikterdi bólýge qatysty Konstıtýtsııanyń ártúrli quqyqtyq túsindirmelerin alǵa tartty.
Buǵan deıin qyrkúıek aıynyń ortasynda Qazaqstan Baký-Tbılısı-Djeıhan qubyry arqyly munaı eksportyn qaıta bastaǵany habarlanǵan bolatyn.